გაკვეთილის გეგმა

მასწავლებლის სახელი, გვარი : ფარფალია რუსუდან

საგანი: ინგლისური ენა

სწავლების საფეხური/კლასი: 7³ კლასი

მოსწავლეთა რაოდენობა : 27 მოსწავლე .( გვყავს ერთი ს.ს.ს.მ. მოსწავლე)

გაკვეთილის ტიპი:  ეკოლოგიური წიგნიერება

გაკვეთილის თემა: ბუნებრივი მოვლენები და გარემოს დაცვა

გაკვეთილის მიზანი:

მოსწავლეები გაიხსენებენ შესწავლილ ლექსიკურ ერთეულებს გარემოსთან  დაკავშირებით, განიხილავენ დიალოგებს სხვადასხვა ბუნებრივ მოვლენაზე და როლურად გაითამაშებენ მას  , გამოთქვამენ საკუთარ მოსაზრებებს ვიდეოკლიპის ჩვენების შემდეგ.

N	აქტივობის მიზანი და აღწერა	გამოყენებული მეთოდი/მეთოდები	კლასის ორგანიზების ფორმები	სასწავლო რესურსი	დრო
1	საორგანიზაციო საკითხები. მასწავლებელი მოსწავლეებს აცნობს გაკვეთილის თემას, მიზანს, შეფასების კრიტერიუმებს	ვერბალური	საერთო, საკლასო	პოსტერები რომელზეც წარმოდგენილია შეფასების კრიტერიუმები და საგაკვეთილო მიზნები (ფლიპჩარტები)	2 წთ.
2	მოსწავლეები გაიხსენებენ ნასწავლ ლექსიკურ ერთეულებს და დააკავშირებენ ინგლისურ სიტყვებს  ქართულ მნიშვნელობებთან	ვერბალური	საერთო საკლასო	მარკერები, პოსტერი/ფლიპჩარტი წებოვანი ქაღალდები	3წთ.
3	მოსწავლეები იყოფიან ხუთ ჯგუფად, თითოეულ ჯგუფს ურიგდება დაჭრილი დიალოგი ბუნებრივ მოვლენებზე, რომელსაც აზრობრივად გამართავენ, ააწყობენ და შემდეგ მოახდენენ მის როლურად წარდგენას	ვერბალური პრეზენტაცია,	ჯგუფური	ფლიპჩარტზე მოცემული ცხრილი	3წთ 9წთ
4	ვიდეოჩვენება. მოსწავლეები უყურებენ ვიდეოკლიპს, სდაც ნაჩვენებია ის გარემო ფაქტორები რის გამოც ბინძურდება ჩვენი გარემო. ვიდეოს დასრულების შემდეგ მოსწავლეები პასუხობენ მასწავლებლის მიერ დასმულ შეკითხვებს: რა არის მთავარი პრობლემატური საკითხი გარემოს დაბინძურებისა. როგორ შეიძლება დავიცვათ გარემო, ფლორა და ფაუნა , როგორ შეიძლება გაჯანსაღდეს ჰაერი და ნაკლებად დაბინძურდეს წყალი	ვიზუალური	ინდივიდუალური/ ჯგუფური	პროექტორი მონიტორი ლეპტოპი	4 წთ 5 წთ.
5	თითოეუყლ ჯგუფს ურიგდება ცხრილები,  სადაც ახარისხებენ მოცემული პრობლემის შესაბამისს გადაჭრის გზას და ახდენენ მის პრეზენტაციას	ვერბალური პრეზენტაცია	ჯგუფური	ფლიპჩარტი, ბარათები, მარკერები	8წთ
6	მოსწავლეებს ურიგდებათ ბარათები (მეთოდით 3:2:1) სადაც მოსწ. უნდა აღნიშნოს წერილობით ის სამი რამ რაც იცოდა, ორი რამ რაც გაიგო და ერთი რამ რაც უნდა რომ გაიგოს. მასწავლებელი სვამს გაკვეთილის შესაჯამებელ კითხვებს: როგორ მოგეწონათ დღევანდელი გაკვეთილი, რომელ აქტივობას გამოყოფდით. და აფასებს მოსწავლეებს  განმავითარებელი კომენტარით	წერილობითი გამოკითხვის მეთოდი ვერბალური კითხვა-პასუხი	ინდივიდუალური	ბარათები	3წთ
	სსსმ მოსწავლეს ეძლევა მცირე ზომის ტექსტი ბუნებრივი პირობების შესახებ რომელიც უნდა გადაწეროს სრული სიზუსტის დაცვით

გაკვეთილის ბოლოს მისაღწევი შედეგები:

უცხ.ს.III.1. მოსწავლეს შეუძლია მოისმინოს და გაიგოს უცხოენოვან თანამოსაუბრეთა შორის მიმდინარე ინტერაქცია (დიალოგი, მონოლოგი, ინტერვიუ) ყოფით თემებზე.

შედეგი თვალსაჩინოა, თუ მოსწავლე:

·           ამოიცნობს, სად და როდის მიმდინარეობს საუბარი;

·           ამოიცნობს საუბრის ძირითად თემას/საკითხებს;

·           საუბრის შინაარსიდან გამომდინარე გამოაქვს დასკვნა თანამოსაუბრეთა ხასიათის, საქმიანობის, მომავალი გეგმების, ინტერესებისა და მათ შორის არსებული ურთიერთობის შესახებ;

უცხ.ს.III.6. მოსწავლეს შეუძლია წაიკითხოს და გაიგოს სხვადასხვა სახის ინფორმაციული ტექსტი

ამოიცნობს მთავარ თემას/საკითხებს;

·           ამოიცნობს ტექსტის ზედაპირზე (ექსპლიციტურად) მოცემულ ფაქტობრივ ინფორმაციას;

·           აკავშირებს ერთმეთთან სხვადასხვა სახის ინფორმაციას და გამოაქვს დასკვნა;

·           ამოიცნობს ფაქტებსა და მოვლენებს შორის არსებულ ლოგიკურ კავშირებს;

აკავშირებს ტექსტში მოცემულ ინფორმაციას პირად გამოცდილებასთან.

უცხ.ს.III.16. მოსწავლეს შეუძლია ინტერაქციაში მონაწილეობა.

შედეგი თვალსაჩინოა, თუ მოსწავლე:

·           სვამს და პასუხობს კითხვებს ნაცნობ თემატიკაზე;

·           ახერხებს თანამოსაუბრეთა რეპლიკებზე რეაგირებას;

·           წინასწარი მომზადების საფუძველზე ახერხებს ამა თუ იმ საკითხთან დაკავშირებით საკუთარი დამოკიდებულების გამოხატვას და მის განმარტებას (რა მოსწონს/არ მოსწონს, რატომ);

·           მიმართავს მასწავლებელს, კლასელებს სასწავლო პროცესში წარმოქმნილ საჭიროებებთან დაკავშირებით;

·           პასუხობს წაკითხულ ტექსტთან დაკავშირებულ კითხვებს.